Fınlıandııa kıimdi qaıta óńdeıtin jasandy ıntellekt avtomatyn ázirlep jatyr
ASTANA. KAZINFORM – Fınlıandııada jasandy ıntellektti paıdalanyp, eski kıimdi jınaý jáne suryptaý avtomattandyrylǵan júıesin qurýǵa arnalǵan aýqymdy joba bastaldy.
AZERTADJ agenttiginiń habarlaýynsha, Texmat dep atalatyn jańa avtomat tutynýshylar úshin kıimdi qaıta óńdeý protsesin plastıkalyq bótelkelerdi qaıta ótkizý sııaqty qarapaıym ári ádettegi is-qımylǵa aınaldyrýǵa arnalǵan.
Qurylǵy berilgen kıimdi jasandy ıntellekt, vızýaldy taný jáne taýardyń sandyq pasporty arqyly avtomatty túrde taldaıdy.
Aldaǵy jyldary bul sandyq pasport Eýropalyq Odaqta mindetti bolady dep josparlanyp otyr. Jınalǵan derekter negizinde avtomat kıimniń qaıta qoldanýǵa jáne qaıta satýǵa jaramdy ekenin, álde tekstıl talshyqtaryn qaıta óńdeýge jiberilýi keregin anyqtaıdy.
Qaıta qoldanýǵa jaramdy kıim úshin tutynýshyǵa qarjylaı syıaqy beriledi, onyń mólsheri kıimniń jaǵdaıy, brendi jáne matasyna baılanysty bolýy múmkin. Sonymen qatar, kıimderdi qaıtarýdy qosymsha yntalandyrý úshin depozıttik jáne jeńildik modelderi de qarastyrylyp otyr.
Joba Eýropalyq Odaq aıasyndaǵy aýqymdy yntymaqtastyqtyń bir bóligi jáne kontınent boıynsha ósip kele jatqan tekstıl qaldyqtarynyń máselesin sheshýge baǵyttalǵan.
Texmat jobasy 7 EO elinen 14 seriktestiń qatysýymen jalpy eýropalyq yntymaqtastyq aıasynda ázirlenip, «Gorızont Evropa» baǵdarlamasynyń qarjylyq qoldaýymen iske asyrylyp otyr. Birinshi avtomattar Fınlıandııa men Ispanııada synaqtan ótkizilmek. Bolashaqta ázirleýshiler osyndaı qurylǵylardy saýda ortalyqtary men qoǵamdyq oryndarǵa ornatyp, tekstıldi qaıta óńdeýdi arttyryp, jaýapty tutynýdy kúndelikti ómirdiń bóligine aınaldyrýdy kózdep otyr.
Aıta ketelik Fınlıandııada eski telefon baılanysy toqtatylady.
