Fınlıandııada qasqyr aýlaýǵa qaıtadan ruqsat berildi
ASTANA. QazAqparat - Fınlıandııa úkimeti qasqyrlardy atýǵa salynǵan tyıymdy alyp tastady. Ańshylarǵa eldegi qasqyrdyń besten bir bóliginiń kózin joıýǵa lıtsenzııa beriledi, dep habarlaıdy Bı-Bı-Sı agenttigi.
Fınlıandııada qasqyr sany 250 shamasynda, olar quryp bara jatqan haıýanattar qatarynda. Ańshylyqqa kvota naqty óńirlerge bir aıǵa berilgen.
Bılik osy arqyly qasqyrdyń ósimin baqylaýda ustaımyz dep aqtalýda. Óıtkeni, keıbir fermerler maldy qorǵaımyz degen syltaýmen qasqyrdy zańsyz aýlaýda.
Ekologtar qasqyrdyń kózin joıý olardyń genetıkalyq turǵydan ártúrliligin joıady degen qaýip aıtýda.
Byltyr Fınlıandııa 2007 jyldan beri alǵash ret qasqyrdy aýlaýǵa ruqsat bergen, alaıda Eýro odaqtyń joıylyp bara jatqan janýarlardy qorǵaý týraly zańnamasy buzyldy degen aıyp taǵylǵan soń sheshimniń kúshi joıylǵan edi.
