Fınlıandııada ınternetke shyǵýǵa múmkindik beretin ekrandy ydys jasaldy
ASTANA. QazAqparat - Fınder ınternetke shyǵýǵa múmkindik beretin kofe shynaıaǵyn jasap shyǵardy. Jańa qurylǵyda biregeı tehnologııa paıdalanylǵan.
Shynaıaq dıspleımen jáne Bluetooth modýlimen jabdyqtalyp, osy arqyly smartfonmen baılanysqa shyǵýǵa bolady. Ekran ydysqa ystyq sý quıylǵan kezde paıda bolatyn energııadan qosylady eken. Bluetooth kómegimen shynaıaq ekranyna kez kelgen fotosýretterdi, dostardan kelgen habarlamany, sýretter men mátindi ornalastyrýǵa bolady. Sonymen qatar smartfonmen qosylǵannan keıin, onyń ekranynda kofeniń temperatýrasyn shyǵarý múmkindigi bar. Atalǵan shynaıaq jappaı satylymǵa 2015 jyldyń basynda shyǵarylmaq. Qazirgi kezde bul ınnovatsııa túrli testileýlerden ótkizilmek, dep jazady sheteldik BAQ.
