Fınlıandııada eski telefon baılanysy toqtatylady

ASTANA. KAZINFORM – Fınlıandııada HH ǵasyrdaǵy tehnıkalyq progrestiń sımvolyna aınalǵan telefon baılanysynan túbegeıli bas tartý týraly sheshim qabyldandy, dep habarlaıdy Kazinform menshikti tilshisi.

Statsıonarlyq telefon qyzmetin usynatyn iri fın operatorlarynyń biri – Elisa kompanııasy 2026 jylǵy 30 maýsymǵa deıin el aýmaǵyndaǵy barlyq statsıonarlyq telefon jelilerin tolyq toqtatatynyn málimdedi. Qazirgi ýaqytta Fınlıandııada mundaı baılanys túrin paıdalanatyn birneshe myń abonent áli de bar ekeni atap ótildi.

Yle málimetinshe, 2026 jylǵy sáýir aıynyń sońynda tutynýshylarǵa statsıonarlyq telefon jelisiniń ajyratylatyny týraly hat joldanyp, baılanys qyzmetin almastyrýdyń balama nusqalary usynylady.

«Siz jazylymyńyz toqtatylǵannan keıin de statsıonarlyq, ıaǵnı úı telefonynyń nómirin saqtaı alasyz. Bul nómirdi mobıldi baılanys jelisine kóshirýge bolady», – dep málimdedi kompanııa ókilderi.

Fınlıandııadaǵy taǵy eki iri baılanys operatory – Telia jáne DNA buǵan deıin statsıonarlyq telefon qyzmetin kezeń-kezeńimen toqtatatynyn habarlaǵan bolatyn. Telia bul qyzmetten 2019 jyly bas tartsa, DNA ony 2021 jyldan bastap birtindep qysqarta bastady.

Fınlıandııalyq basylymdar statsıonarlyq baılanys qyzmetiniń toqtatylýymen birge úı telefondary adamdar men otbasylar arasyndaǵy negizgi baılanys quraly bolǵan tutas bir dáýirdiń aıaqtalǵanyn jazyp jatyr.

Aıta keteıik, Fınlıandııada alǵashqy júrgizýshisiz avtobýs iske qosyldy.