Fınlıandııada Elbasy saparynyń nátıjesinde 23 kelisimge qol qoıyldy

16-17 qazanda QR Prezıdenti Nursultan Nazarbaev Fınlıandııa Respýblıkasyna resmı saparmen bardy. «Kazakh Invest» UK Memleket basshysynyń sapary aıasynda qazaqstandyq-fındik iskerlik qabyldaý uıymdastyrdy. Shara qorytyndysy boıynsha $545 mln somasyna 20-dan astam kommertsııalyq jáne kommertsııalyq emes qujatqa qol qoıyldy.

Qazaqstandyq-fındik iskerlik qabyldaý barysynda eki eldiń bıznesmenderi tikeleı baılanysty retteý jáne naqty ýaǵdalastyqtarǵa qol jetkizý múmkindigine ıe boldy. Sonymen, qabyldaý aıasynda $545 mln somasyna 23 ekijaqty kommertsııalyq jáne kommertsııalyq emes qujatqa qol qoıyldy. 

QR Úkimetiniń basshylyǵy jáne Soltústik ınvestıtsııalyq bank arasynda Shekti kelisim jasaldy, ol QR aýmaǵynda memlekettik-jekemenshik áriptestik qaǵıdaty boıynsha jobalardy qarjylandyrýǵa, kapıtal salý (ınvestıtsııalar, korporatıvtik jáne táýelsiz qaryz, banktik kepildikter) tehnologııalar transferti úshin jaǵdaı jasaýǵa baǵyttalady.

«Kazakh Invest» UK basqarma tóraǵasy Saparbek Tuıaqbaev ınjenerlik jabdyqty óndirý boıynsha jobany iske asyrý týraly Kazakh Invest pen Koja kompanııasy arasyndaǵy ózara túsinistik týraly memorandýmǵa qol qoıdy. Sondaı-aq, Kazakh Invest pen quramyna birqatar fındik kompanııalar (Kone Corporation, Wartsila, Stora Enso, Kesko, Nokia Corporation) kiretin Fındik ónerkásipshiler konfederatsııasy arasyndaǵy yntymaqtastyq jáne ózara túsinistik týraly memorandýmǵa qol qoıyldy. Dıalog barysynda Konfederatsııa Qazaqstan Respýblıkasynyń aýmaǵynda jobalardy iske asyrýǵa múddelilik tanytty. 

2018 jylǵy qazanda «KTZ Express» AQ men Nurminen Logistics arasyndaǵy konteınerlik tasymaldardy damytý týraly kelisim aıasynda taraptar Reseı jáne Qazaqstan aýmaǵy arqyly Fınlıandııa men Qytaı arasynda turaqty tasymaldy iske qosýǵa nıetti. Bul ýaǵdalastyq teńiz kóligi ornyna temir jolmen konteınerlerdi tasymaldaýǵa múmkindik beredi jáne Fınlıandııadan Qytaıǵa deıingi jol ýaqytyn qysqartýǵa yqpal etedi.

QR Energetıka mınıstrligi men Wartsila kompanııasy Túrkistan qalasynda qýattylyǵy 50 MVt bý-gazdy qondyrǵy salý múmkindigin qaraýǵa nıettestik týraly memorandýmǵa qol qoıdy. Qazaqstandaǵy kompanııalardyń iske asyrǵan jobalarynyń arasynda - 2015 jyly paıdalanýǵa berilgen Aqtóbe relsbelaǵashtyq zaýytyna arnalǵan elektr stansasy, sondaı-aq Mańǵystaý oblysyndaǵy «QazAzot» zaýytyna arnalǵan elektr stansasy bar.

Fındik ónerkásipshiler konfederatsııasy - Fınlıandııanyń jetekshi qurylymy, ol bıznes pen kompanııalardyń barlyq sektorlaryn qamtıdy. Konfederatsııa quramyna kiretin kompanııalar men kásiporyndar 70% JІÓ jáne Fınlıandııanyń 95% eksportyn shyǵarady. 980 myń adam jumys isteıtin 16 myń kásiporyn men fırmany biriktiretin 27 salalyq múshelik uıymdary bar. Konfederatsııa basqarmasynyń músheleri Kesko Corporation, Lappset Group Oy, Kone Corporation, Metsa Group, OP-Pohjola Group, Orion Corporation, Elisa Corporation, Nokia Corporation sekildi kompanııalardyń basshylary.

Koja kompanııasy qorshaǵan ortaǵa mınımaldy júktememen jeldetkishtik júıelerdi qurý boıynsha energııa tıimdi sheshimderdi ázirleýmen aınalysady. Búginde álemde túrli ónerkásiptik maqsatta Koja fırmasynyń 20 myńnan astam jeldetkishi paıdalanylýda. Koja kompanııasynyń jabdyǵy energetıkalyq sektor, tsellıýloza-qaǵaz ónerkásibi, munaı hımııasy kesheni, metallýrgııalyq jáne taý-ken ónerkásibi kásiporyndarynda paıdalanylady.

Nurminen Logistics - joǵary sapaly logıstıkalyq qyzmetter, onyń ishinde temir jol tasymaly, jobalyq júkter tasymaly, sondaı-aq júkterdi óńdeý jáne jóneltý boıynsha qyzmetterdi qamtıtyn fındik kompanııa. Kompanııa bólimsheleriniń jelisi tranzıttik konteınerlik tasymaldaý baǵdary boıynsha logıstıka úshin mańyzdy Fınlıandııa men Reseıdiń toraptyq núktelerin qamtıdy.

Soltústik ınvestıtsııalyq bank - Skandınavııa jáne Baltyq elderiniń iri nesıelik-qarjylyq ınstıtýty. Banktiń negizi Helsınıkıde shtab-páterimen 1975 jyly qalanǵan. Bank Soltústik Eýropada da (ınfraqurylymǵa, ekologııaǵa, bilim salasyna ınvestıtsııalar salý), odan tys jerlerde de (Soltústik Eýropa elderi kompanııalarynyń seriktes-fırmalaryna járdemdesý) múshe elder úshin múddelilikti qamtıtyn jobalardy qarjylandyrady. Banktiń onyń jarǵylyq kapıtalynan 250%-ǵa deıin asatyn uzaqmerzimdi qarjy resýrstaryn bólý jáne kepildik berý quqyǵy bar.

Wartsila - kemelik energetıkalyq qondyrǵylardy, elektr stantsııalaryn, burandaly mehanızmderdi, kemeni basqarý júıesin shyǵarýǵa jáne basqa da jabdyqtar óndirisine mamandanǵan. Kompanııanyń negizi Helsınıkı qalasyndaǵy shtab-páterimen 1834 jyly qalanǵan. Qazirgi ýaqytta komanııa shtaty 70 elde 160 ókildikte jumys isteıtin 19 myń qyzmetkerden turady. Kompanııa qyzmeti úsh baǵytqa bólingen - elektr stantsııalaryn (34%), kemelik energetıkalyq qondyrǵylardy shyǵarý (26%) jáne servıstik qamtamasyz etý (40%).