Fınlıandııada dúken ıesi usaq-túıek urlaıtyndardan qutylýdyń amalyn tapty
ASTANA. QazAqparat -Lappeenranta qalasyndaǵy K-Supermarket dúkeniniń dırektory esikke «urylardyń sýreti áleýmettik jelide jarııalanady» degen jazbany ilgen soń kámeletke tolmaǵandardyń urlyǵy sap tyıyldy, dep habarlaıdy yle.fi.
- Eskertý nátıjesin berdi. Jetkinshekter tarapynan jasalatyn urlyq tolyq doǵaryldy, - dep habarlady dúken dırektory Vılle Meronen.
Meronen qylmystyń tamyryna balta shabýdyń úzdik tásili - onyń aldyn alý dep atap ótti.
Ońtústik-Shyǵys Fınlıandııa óńiriniń polıtsııasy zań dúkenderge mundaı materıaldardy jarııalaýǵa tyıym salmaıtynyn aıtty. Alaıda urlyqtyń betin ashýmen polıtsııa aınalysýy tıis, olardyń paıymynsha tergeý materıaldaryn aldyn ala jarııalaý jaqsy bastama emes.
