Fınlıandııada bıatlonnan álem kýbogynyń jetinshi kezeńi ótip jatyr
ASTANA. QazAqparat - Fınlıandııanyń Kontıolahtı qalasynda bıatlonnan álem kýbogynyń jetinshi kezeńi ótip jatyr, dep habarlaıdy QazAqparat.
Keshe, ıaǵnı 8-naýryz kúni bastalǵan doda 11-naýryz kúni óz máresine jetedi. Bul kezeńde bıatlonshylar sprınt, aralas estafeta jáne mass-start túrlerinen synǵa túsedi.
Jarystyń alǵashqy kúni erler 10 shaqyrymdyq sprıntte baq synaǵan bolatyn. Al búgin áıelder 7.5 shaqyrymdyq sprınt jarysynda saıysqa túsedi. Jarys Astana ýaqytymen 16:45- te bastalady.
Al, 10 naýryz kúni saǵat 12:40-ta arlas estafeta (sýpermıkst) jarysy bastalsa, 11 naýryz kúni 12:30-da erler arasynda 15 shaqyrym, mass-start jarysy, 15:10-da áıelder 12.5 shaqyrymdyq mass-start saıysynda óner kórsetedi.
