Fınlıandııada atý jazasy beınelengen monetaǵa qatysty daý shyqty
ASTANA. QazAqparat - Fınlıandııada eldiń 100 jyldyǵyna oraı shyǵarylǵan mereıtoılyq monetaǵa qatysty daý shyqty. Tıynnyń bir betinde azamattyq soǵys tusynda adamdardy atý kezi beınelengen, dep habarlaıdy yle.fi .
Eldiń qarjy mınıstri Petterı Orpo Moneta saraıy shyǵarǵan mereıtoılyq monetany aınalymnan alyp tastaıdy degen oıda.
«Moneta saraıy mereıtoılyq monetany menińshe sáıkes kelmeıtin beınemen shyǵarǵanyn estigende ań-tań boldym. Bul is táýelsizdigimizdiń 100 jyldyǵyna oraı kóńil kúıge kele me? Men bul moneta aınalymnan alyp tastalady degen úmittemin», - dep málim etti Orpo parlamentte.
Orponyń aıtýynsha aqsha shyǵarýǵa qatysty sheshimdi qarjy mınıstrligi qabyldaıdy, alaıda onyń bet-beınesine arnaıy kórkemdik komıssııasy jaýap beredi.
