Fınlıandııada álemdegi eń úlken «Rýneberg» torty pisirildi

ASTANA. KAZINFORM — Fınlıandııanyń Týrký qalasynda álemdegi eń úlken «Rýneberg» torty daıyndaldy, dep habarlaıdy AZERTADJ Yle teleradıokompanııasyna silteme jasap.

Agenttik derekterine sáıkes, torttyń bıiktigi — 57 santımetr, salmaǵy — 33,5 kılogramm. Ony shamamen 350 bólikke bólip kesýge bolady. Tortty pisirýge úsh kún ýaqyt ketken.

Sársenbi kúni naýbaıshy Tero Kemppaınen men bas aspaz Robın Hoppe tortty ázirleýdi tolyq aıaqtady. Torttyń ústin bezendiretin «qalpaqty» kóterý úshin ekeýine de asa muqııattylyq pen dáldik qajet bolǵan.

— Sońǵy shtrıhtar árdaıym eń tolqytatyn sátke aınalady, biraq tórteýimiz birigip, bárin sátti atqardyq, — deıdi Kemppaınen.

Aldyńǵy rekord eki jyl buryn ornatylǵan. Ol kezde «Rýneberg» tortynyń bıiktigi 46 santımetr bolǵan.

Rýneberg kúni 5 aqpanda Fınlıandııanyń ulttyq aqyny Iohann Lıýdvıg Rýnebergtiń qurmetine atap ótiledi. Mereke aıasynda «Rýneberg» tortyna erekshe kóńil bólinedi. Bul táttiniń avtory retinde aqynnyń jubaıy Fredrıka Rýneberg sanalady. Onyń aspazdyq kitabyndaǵy tort retsepti Porvoo qalasynyń resmı saıtynda jarııalanǵan.

Budan buryn SQO stýdentteri sý tasqynymen kúresip jatqandarǵa 100 kg jýyq baýyrsaq-samsa pisirgenin jazǵan edik.