Fınlıandııada 12-17 jastaǵy balalar kronavırýs vaktsınasynyń ІІІ dozasymen egiledi

NUR-SULTAN. QazAqparat – Fınlıandııa táýekel tobyndaǵy 12-17 jastaǵy balalarǵa koronavırýs vaktsınasynyń ІІІ dozasyn egýdi usyndy. Ońtústik Koreıada sońǵy táýlikte indetti juqtyrýdyń antırekordy tirkeldi. Bul týraly Qazaqstanda COVID-19 taralýyna jol bermeý jónindegi vedomstvoaralyq komıssııanyń Telegram-kanalynda jazyldy, dep habarlaıdy QazAqparat.

AQSh-ta Senat koronavırýsqa baılanysty elde engizilgen tótenshe jaǵdaı rejımin joıýdy qoldady. Respýblıkashylar usynǵan bastamany 48 zań shyǵarýshy qoldady, 47 senator qarsy daýys berdi. Osyǵan qaramastan, Aq úı Prezıdent Djo Baıdenniń qujatqa qol qoımaıtynyn buǵan deıin habarlaǵan bolatyn.

Fınlıandııada táýekel tobyndaǵy 12-17 jastaǵy balalarǵa vaktsınanyń úshinshi dozasyn salý usynyldy. Sonymen qatar Ulttyq densaýlyq saqtaý ınstıtýty 12-17 jas aralyǵyndaǵy barlyq balalarǵa úshinshi dozany medıtsınalyq emes sebeptermen, ıaǵnı saıahattaý úshin qajet bolǵan jaǵdaıda egý bastamasyn kóterdi.

Ońtústik Koreıada sońǵy táýlikte COVID-19 aýrýy boıynsha antırekord tirkeldi. Ótken táýlikte elde 266 853 jaǵdaı anyqtaldy. Sonymen qatar, pandemııa kezindegi jaǵdaılardyń eń kóp sany Vetnamda — 125 587 jáne Malaızııada — 32 467 derek tirkeldi.