Fınlıandııa ıadrolyq qaldyqtardy kómýge arnalǵan qoımany paıdalanýǵa ruqsat bergen alǵashqy el atandy
ASTANA. KAZINFORM — Fınlıandııa joǵary radıoaktıvti ıadrolyq qaldyqtardy túpkilikti kómýge arnalǵan qoımany paıdalanýǵa álemde alǵash bolyp lıtsenzııa berdi. Alaıda nysannyń naqty qashan iske qosylatyny ázirshe jarııalanǵan joq, dep habarlaıdy Kazinform agenttigi «Azertadj» agenttigine silteme jasap.
Sheshim Eýraıokı mýnıtsıpalıtetinde ornalasqan Posiva kompanııasynyń Onkalo jerasty keshenine qatysty qabyldandy. Nysan paıdalanylǵan ıadrolyq otyndy túpkilikti kómýge arnalǵan.
Fınlıandııanyń Radıatsııalyq jáne ıadrolyq qaýipsizdik basqarmasy (STUK) tamyz aıynda-aq jobaǵa oń qorytyndy berip, qajetti talaptardyń oryndalǵanyn rastaǵan. Vedomstvo bul sheshimdi Fınlıandııa men halyqaralyq qaýymdastyq úshin mańyzdy beles dep atady. Jobaǵa ondaǵan jyl boıy júrgizilgen zertteýler men ázirlemeler negiz bolǵan.
LUT ýnıversıtetiniń ıadrolyq energetıka professory ıÝhanı Hıývıarınen Onkalo kesheninde qoldanylatyn tehnologııaǵa alǵashynda Shvetsııada lıtsenzııa berilip, keıin Fınlıandııada jetildirilgenin atap ótti. Onyń aıtýynsha, basqa elderde osyndaı jobalardy iske asyrýdyń sozylýyna tehnologııalyq emes, negizinen saıası kedergiler sebep bolǵan.
Lıtsenzııanyń berilýi keshenniń birden iske qosylatynyn bildirmeıdi. Posiva kompanııasy nysandy paıdalanýǵa daıyndaý jumystaryn aıaqtap, qajetti synaqtar men tekserýlerden ótýi kerek. Osydan keıin STUK keshendi paıdalanýǵa berýge jeke ruqsat usynady.
Paıdalanylǵan ıadrolyq otyndy túpkilikti kómý jumystarynyń naqty qashan bastalatyny ázirshe belgisiz.
Eske salaıyq, buǵan deıin Fınlıandııa ıadrolyq qarýdy ákelýge jáne tranzıtteýge qoıylǵan tyıymdy alyp tastaǵanyn habarlaǵan edik.
