Fınlıandııa týrnıri: Qazaqstandyq boksshylardyń barlyǵy ½ fınalǵa shyqty

HELЬSINKI. QazAqparat – Helsınkıde (Fınlıandııa) bokstan «Gee Vee» halyqaralyq týrnıri bastaldy. Qazaqstandyq sportshylardyń barlyǵy jartylaı fınalǵa shyqty, dep habarlaıdy QazAqparat QR Ulttyq Olımpıadalyq komıtetine silteme jasap.

Sonymen 63 kelige deıingi salmaq dárejesinde óner kórsetken Dilmurat Mıjıtov frantsııalyq qarsylasy Ýgo Graýdy jeńdi. 91 keli salmaqta rıngke shyqqan Toǵambaı Saǵyndyq shved boksshysy Vıktor Olsonnan basym tústi. 57 keli salmaq sanatyndaǵy Qaırat Eralıev armenııalyq Artýr Gazarıandy jeńip, jartylaı fınalǵa shyqty. 69 keli salmaqta judyryqtasqan qazaqstandyq Aslanbek Shymbergenov mońǵolııalyq qarsylasy Baıarhý Ganbaatarmen bolǵan jekpe-jekte jeńiske jetti. 81 kelige deıingi salmaq dárejesindegi Bek Nurmaǵanbet Nıderlandtan kelgen Nık Denýerden myqty boldy. +91 kelide óner kórsetken Nurlan Saparbaı qarsylasy serbııalyq Sergeı Kalchýgınnen basym tústi.