Fınlıandııa týrıster úshin eń qaýipsiz el
ASTANA. QazAqparat - Fınlıandııa týrıster úshin eń qaýipsiz el bolyp otyr, dep habarlaıdy QazAqparat Reseıdiń TASS agenttiginiń materıaldaryna silteme jasaı otyryp.
Bul málimetter Búkilálemdik ekonomıkalyq forým sarapshylary qurastyrǵan saıahat pen týrızm salalary boıynsha básekelestik jónindegi jahandyq baıandamadan alynǵan.
Jylyna eki ret jarııalanatyn reıtıngti qurý barysynda qylmystyq áreketterdiń statıstıkasy jasalady. Sonyń ishinde zorlyq-zombylyq áreketteri men terrorıstik qaýipter jáne jergilikti polıtsııa qyzmetkerleri qamtamasyz etetin qaýipsizdik deńgeıi nazarǵa alynǵan.
Álem boıynsha týrıster men saıahatshylar úshin qaýipsiz sanalatyn elderdiń qatarynda ekinshi turǵan el - Katar. Birikken Arab Ámirlikteri osy ýaqytta turaqsyzdyq jaılaǵan Taıaý Shyǵysta ornalasqandyǵyna qaramastan, qaýipsiz memleketterdiń arasynda úshinshi orynǵa jaıǵasqan. Odan ári Islandııa, Avstrııa, Lıýksembýrg, Jańa Zelandııa, Sıngapýr, Oman, sııaqty elder ornalasqan. Úzdik ondyqty Portýgalııa aıaqtap tur.
Reseı bul tizimde 123-shi orynda tur.
