Fınlıandııa turǵyny Eurojackpot lotereıasynyń 61,2 mln. eýro júldesin utyp aldy
ASTANA. QazAqparat - Fınlıandııanyń ońtústigindegi Espoo qalasynyń turǵyny Eurojackpot eýropalyq lotereıasynyń 61,2 mln. eýro mólsherindegi rekordtyq júldesiniń ıesi atandy, dep habarlady reseılik «Jańalyqtar» agenttigi.
Bul týraly Veikkaus memlekettik lotereıa kompanııasynyń málimdemesine silteme jasap fındik Yle teleradıokorporatsııasy habarlaǵan.
Fınn utys bıletin ınternet arqyly satyp alǵan. Teleradıokoroporatsııanyń atap ótýinshe, utysyn alý úshin onyń Veikkaus keńsesine kelýiniń qajeti joq, barlyq soma onyń esepshotyna aýdarylady.
Lotereıanyń 137 myń dollar turatyn ekinshi júldesi de Fınlıandııaǵa ketti. Bul - fınlıandyqtar utqan tórtinshi utys. Alǵashqy ret olar 2013 jylǵy qańtarda 29 mıllıon eýro kólemindegi eýropalyq lotereıanyń djekpotyn ıelengen bolatyn.
Eurojackpot alǵashqy tırajy 2012 jylǵy kóktemde boldy. Osy lotereıanyń utysy tırajyna Fınlıandııadan basqa taǵy 13 eýropalyq memleket qatysady.
