Fınlıandııa turǵyndary jumyspen qamtylǵanyna qaramastan aıyna 550 eýro alyp turady
ASTANA. QazAqparat - Fınlıandııa bıligi 2017 jyly qańtarda azamattardyń sózsiz negizgi kirisi boıynsha ilki jobany iske qosady. Bul týraly eldiń áleýmettik qamsyzdandyrý jáne densaýlyq mınıstri Hanna Mıantıýlıa málimdedi, dep habarlady Rosbalt.rý.
Eki jyl boıy 10 myń eńbekke qabiletti fınnder aı saıyn jumyspen qamtylýyna qaramastan 550 eýrodan alyp turady. Bul soma jumyssyzdyq járdemine teń, oǵan tamaqqa, jeke gıgıenaǵa, kıimge jumsalatyn jáne basqa da kúndelikti shyǵystar shyǵyny kiredi, dep habarlady Reuters.
«Bizge mundaı eksperımentter qajet. Eger biz jaǵdaıdy jeńildetpesek, Fınn áleýmettik qamsyzdandyrý júıesi úlken problemalarǵa tap bolady», - dedi Mıantıýlıa.
Eger eksperıment oıdaǵydaı nátıje berse, sózsiz kiris Fınlıandııanyń áleýmettik qamsyzdandyrý júıesine engiziledi. 2015 jyly jarııalanǵan jobaǵa sáıkes sózsiz kiris áleýmettik járdemaqylardy aýystyrady.
2016 jyly maýsymda Shveıtsarııa da sózsiz kiris engizý jóninde referendým ótkizbek.
