Fınlıandııa toǵyzynshy jyl qatarynan eń baqytty el atandy

ASTANA. KAZINFORM – Fınlıandııa toǵyzynshy jyl qatarynan World Happiness Report reıtınginde birinshi oryndy ıelenip, álemdegi eń baqytty el mártebesin saqtap otyr, dep habarlaıdy Azertadj.

BUU qoldaýymen daıyndalǵan bul esep ártúrli elder turǵyndarynyń saýalnamalary negizinde halyqtyń sýbektıvti ál-aýqat deńgeıin baǵalaıdy.

Ondyq kóshbasshylar qataryna sondaı-aq Islandııa, Danııa jáne Kosta-Rıka engen.

Olar tıisinshe ekinshi, úshinshi jáne tórtinshi oryndardy ıelengen. Shvetsııa besinshi orynǵa turaqtap, ótken jylmen salystyrǵanda sál tómendegenimen, kóshbasshylar qataryndaǵy ornyn saqtap qaldy. Al Norvegııa altynshy orynǵa jaıǵasty.

Aıtarlyqtaı ózgeristerdiń biri — Kosta-Rıka eliniń aıtarlyqtaı joǵary kóterilýi. Sońǵy jyldary bul memleket óz kórsetkishterin edáýir jaqsartqan. Al AQSh tek 23-orynǵa turaqtady, al reıtıngtiń sońǵy ornyn Aýǵanstan ıelendi.

Zertteý jyl saıyn ár elde shamamen myń respondentti qamtıdy jáne adamdardyń óz ómir sapasy men ál-aýqaty týraly jalpy qabyldaýyn kórsetedi. 

Aıta ketelik Qazaqstan baıraǵy álemdegi eń úzdik memlekettik tý dep tanyldy.