Fınlıandııa prezıdenti saılaýynda Saýlı Nıınıste jeńiske jetti
ASTANA. QazAqparat - Fınlıandııanyń qazirgi prezıdenti Saýlı Nıınıste memleket basshysy saılaýynda 100 paıyz daýysty esepteý qorytyndysy boıynsha jeńiske jetti.
Bul týraly jeksenbide eldiń ádilet mınıstrligi málim etti, dep habarlaıdy TASS.
Saılaýǵa táýelsiz kandıdat retinde qatysqan Nıınıste 62,7% daýysqa ıe boldy.
Ekinshi orynda - oppozıtsııalyq «Jasyldar odaǵy» partııasy atynan túsken úmitker Pekka Haavısto - 12,4%, úshindi orynda - 6,9% daýys jınaǵan "Naǵyz fınder» kandıdaty Laýra Hýhtasaarı. Bulardan basqa saılaýshylar qozǵalysynan Paavo Vıaıýrıýnen - 6,2%, bıliktegi «Fınlıandııalyq ortalyqtan» Mattı Vanhanen - 4,1%, sotsıal-demokrattardan Týýla Haataınen - 3,3%, «Solshyl odaqtan» Merıa Kıýllenen - 3%, «Shved halyqtyq partııasynan Nıls Torvalds - 1,5% daýysqa ıe boldy.
Eske sala ketsek, osydan alty jyl buryn úkimettik ulttyq koalıtsııalyq partııa atynan túsken Nıınıste jeńiske jetken bolatyn.
Saılaýdyń sońǵy qorytyndysy 30 qańtarda jarııalanady. Al jańa prezıdentti ulyqtaý rásimi 1 aqpanda ótedi.
