Fınlıandııa prezıdenti NATO-ǵa kirý týraly zańǵa qol qoıdy

ASTANA. QazAqparat – Beısenbi kúni Fınlıandııa Prezıdenti óz eliniń NATO-ǵa kirýi týraly zańǵa qol qoıdy. Qujat parlamentte 1 naýryzda maquldanǵan bolatyn, dep habarlaıdy QazAqparat Euronews-ke silteme jasap.

Túrkııa men Vengrııadan basqa Alıanstyń barlyq elderi Fınlıandııa men Shvetsııanyń uıymǵa múshe bolýyna kelisim berdi.

Ankarada parlamenttiń halyqaralyq ister jónindegi komıteti beısenbi kúni Helsınkıdiń ótinishin maquldady, endi ony depýtattar qaraıdy. Bul aldaǵy birneshe kúnniń enshisinde.

Býdapesh te kelesi aptanyń basynda Fınlıandııanyń kandıdatýrasyn qarastyrǵaly jatyr jáne olar da oń pikirde.