Fınlıandııa premer-mınıstri bosqyndarǵa úıin bosatyp berýge ázir ekenin aıtty
ASTANA. QazAqparat - Fınlıandııa premer-mınıstri ıÝha Sıpılıa óziniń jeke menshigindegi úıin Eýro odaqtyń ózge elderine úlgi bolýy úshin mıgrattarǵa bosatyp berýge daıyn ekenin málimdedi, dep jazady «VVS» agenttigi.
Sıpılıanyń aıtýynsha, Kempeledegi onyń úıi bosqyndarǵa pana bolýǵa jaraıdy. Osy málimdemesi arqyly premer-mınıstr fınn halqyn muqtaj jandarǵa beıjaı qaramaýǵa shaqyrdy. Buǵan deıin, Vengrııanyń burynǵy premer-mınıstri Ferents Dıýrchan bosqyndardy óz úıine shaqyratynyn aıtyp, alǵashqy kelýshilerdi qabyldap jatqanyn jazǵan. Jyl basynan beri Fınlıandııaǵa 7 myń bosqyn kelip, saıası baspana surady, olardyń deni Iraktan.
