Fınlıandııa NATO-ǵa múshe boldy
ASTANA. QazAqparat – Fınlıandııa Syrtqy ister mınıstri Pekka Haavısto eldiń Soltústik atlantıkalyq kelisimge qosylatyny týraly qujatqa qol qoıdy, dep habarlaıdy QazAqparat.
4 sáýirde Fınlıandııa resmı túrde NATO-ǵa múshe boldy. Fınlıandııa prezıdenti Saýlı Nıınıste Twitter-de Lıtva prezıdenti Gıtanas Naýsedanyń quttyqtaýyn jarııalady.
Qujatqa qol qoıǵannan keıin NATO-nyń bas hatshysy Iens Stoltenberg pen AQSh-tyń memlekettik hatshysy Entonı Blınken ortaq málimdeme jasady.
Stoltenberg Fınlıandııanyń NATO-ǵa qosylǵan kúni erekshe ekenin atap ótti.
Aıta keteıik, NATO 1949 jyldyń 4 sáýirinde qurylǵan. Uıymǵa 31 el resmı múshe.
Buǵan deıin habarlanǵandaı, Fınlıandııa prezıdenti NATO-ǵa kirý týraly zańǵa qol qoıdy.