Fınlıandııa mektepterinde jazbasha jazýdy mindetti oqytýdan alyp tastamaq
ASTANA. QazAqparat - Fın mektepterinde 2016 jylǵy kúzden bastap jazbasha jazýdy mindetti oqytýdan alyp tastaýdy josparlaýda, dep habarlady Deutsche Welle.
Fınlıandııa bilim berý mınıstrligi oqýshylarǵa dápterde jazbasha jazǵansha, kompıýterde pernetaqtamen áripterdi terýge kóp ýaqyt arnaǵan jón dep sanaıdy.
Bul rette fın balalary jazǵan kezde qalamsap men qaryndashty paıdalana beredi, al sabaq ústinde olar tek baspa áripterimen jazýdy qolǵa alatyn bolady.
Qazirgi ýaqytta Germanııanyń keı federaldyq aımaqtarynda bastaýysh synyp oqýshylaryna tek baspa áripterimen jazýǵa ruqsat etilgeni atap ótiledi.
