Fınlıandııa Qazaqstanǵa bim-tehnologııasyn engizýge kómektesedi
«Collaprime» - ıntellektýaldy 3D úlgilerin paıdalaný negizindegi ǵımarattardy aqparattyq modeldeýde BIM-tehnologııalaryn engizý boıynsha 2016 jylǵy Fınlıandııanyń úzdik kompanııasy bolyp tabylady, sondaı-aq birneshe halyqaralyq syılyqtardyń ıesi. Mamandar osy tehnologııanyń arqasynda sáýlet elementterin, ınjenerlik júıeler men qurylys konstrýktsııalaryn jobalaý boıynsha ǵımarattardy jáne ınfraqurylymdy tıimdi josparlaý, jobalaý, salý jáne paıdalaný múmkindigin arttyra alady.
«TKSh QazOrtalyǵy» AQ enshiles uıymdary - "TKSh damytýdyń qazaqstandyq ǵylymı-tehnıkalyq ortalyǵy" JShS (TKShD QazǴTO JShS), «Úlgilik jáne tájirıbelik jobalaýdyń ǵylymı-zertteý ınstıtýty (Turǵyn úı ınstıtýty)» JShS (ÚTJǴZI) jáne «Astana Qyzmet» BK» JShS BIM-tehnologııalaryn energııalyq jobalaý kezinde qoldaný múmkindigin talqylady, ol jobalaýdyń erte kezeńderinde negizsiz jáne qate qabyldanǵan tehnıkalyq sheshimderdi joıý máselesi qarastyryldy.
«2020 jyldan bastap Qazaqstan tolyǵymen eýropalyq qurylys standarttaryna negizdelgen jańa normalarǵa aýysatyn bolady. ıAǵnı, «Collaprime» kompanııasymen birlestigimiz aqparattyq modeldeýdi damytýǵa aıtarlyqtaı úles qosýy múmkin. Jaqyn arada birlesken is-sharalar josparyn ázirleýdi josparlap otyrmyz», - dedi «TKSh Qazortalyǵy» AQ Basqarma tóraǵasynyń birinshi orynbasary Ádilhan Ómirbaev.
«Collaprime» Bas dırektory Tonı Lınkvıs kompanııanyń BIM-tehnologııalaryn engizý jáne qazaqstandyq mamandardy oqytý boıynsha úlken josparlary bar ekendigin aıtty.
«Biz óz tájirıbemizge súıenip Astanada BIM tehnologııalary boıynsha arnaıy quzireti bar ortalyq qurýdy josparlap otyrmyz. Bul nysan qurylysynyń alǵashqy qurylys kezeńi bastalyp jatqanda-aq tutynýshylarǵa, dızaınerge jáne qurylysshylarǵa joba paıdalanýǵa berilgen kezde qandaı bolatynyn aldyn ala kórýge múmkindik beredi. Bul barlyq taraptar úshin ortaq kózqaras qalyptastyryp, qurylystyń qunyn jáne ýaqytyn qysqartýǵa sep bolady», - dep atap ótti Tonı Lınkvıst.
«Fınlıandııanyń BIM-tehnologııasyn tolyqqandy paıdalanyp kele jatqanyna shamamen 30 jyl boldy, biz Qazaqstanda úsh jyl ishinde, ıaǵnı 2020 jylǵa qaraı kóshýdi josparlap otyrmyz. Osy maqsattaǵy birlesken jumys BIM tehnologııalaryn engizýde fınderdiń jibergen qatelikterin Qazaqstanda qaıtalamaýǵa múmkindik beredi, - deıdi Finnish Business Hub dırektory Muhtar Mankeev.
Esterińizge sala keteıik, QR Investıtsııalar jáne damý mınıstrligi 2017 jyly qurylys nysandaryn jobalaý kezinde qurylys alańdaryn jobalaýda aqparattyq modeldeý tehnologııasyn engizý boıynsha is-sharalar josparyn bekitti. Qazaqstan Respýblıkasynyń qurylys ındýstrııasynyń aqparattyq modeldeý tehnologııasyna kóshý tujyrymdamasy, sondaı-aq keıbir normatıvtik-tehnıkalyq qujattar ázirlendi. Qurylys jáne turǵyn úı-kommýnaldyq sharýashylyq isteri komıtetiniń bazasynda salany aqparattyq modeldeýge kóshý týraly usynystardy daıyndaý jáne monıtorıng júrgizý úshin jumys toby quryldy.
«Collaprime» - ıntellektýaldy 3D úlgilerin paıdalaný negizinde aqparattyq modeldeýdi qurýdy qamtıtyn baǵdarlamalyq jasaqtamany ázirleıtin jetekshi fın kompanııasy. «Collaprime» 2016 jyly Fınlıandııadaǵy BIM-tehnologııalar salasyndaǵy eń úzdik BIM-jobasynyń jeńimpazy, sondaı-aq «Global» syılyǵynyń laýreaty. Qazirgi ýaqytta, kompanııa BIM-tehnologııalary boıynsha shamamen 50 jobany (atomdyq elektr stantsııasy zaýytyn salý kezinde Rosatom jáne Fennovoima kompanııasynyń ınjenerleri men dızaınerlerimen ózara qarym-qatynas jasaý, Fınlıandııadaǵy aýrýhana, ýnıversıtetterdiń jáne bıznes-ortalyqtardyń 5D-model jáne t.b.) aıaqtady.
«Turǵyn úı kommýnaldyq-sharýashylyǵyn jańǵyrtý men damytýdyń qazaqstandyq ortalyǵy» aktsıonerlik qoǵamy («TKSh Qazortalyǵy» AQ) ınfraqurylymdyq-turǵyn úı keshenin (ITK) jańǵyrtý jáne damytý boıynsha memlekettik saıasatty iske asyrý maqsatynda Qazaqstan Respýblıkasynyń Prezıdenti N.Á. Nazarbaevtyń tapsyrmasy boıynsha 2009 jyly quryldy. Kompanııa qyzmetiniń negizgi baǵyttary ITK ınvestıtsııalyq tartymdylyǵyn arttyrý, taldamalyq jáne ǵylymı zertteýler júrgizý, ITK salasynda ınnovatsııalyq tehnologııalar men zamanaýı basqarý ádisterin engizý bolyp tabylady.
"Turǵyn uı-kommýnaldyq sharýashylyqty damytýdyń qazaqstandyq ǵylymı-tehnıkalyq ortalyǵy" JShS (TKShD QazǴTO" JShS) Qazaqstan Respýblıkasyndaǵy turǵyn úı-kommýnaldyq sharýashylyqtyń keshendi ǵylymı-tehnıkalyq damýyn qamtamasyz etý maqsatynda qurylǵan. TKSh QazǴTDO qyzmet túrleri: ınnovatsııalyq resýrstardy únemdeıtin tehnologııalardy, materıaldardy, tehnıkalyq jáne basqarý sheshimderin, turǵyn úı-kommýnaldyq sharýashylyq salasyndaǵy ozyq tájirıbeni engizý, saladaǵy irgeli jáne qoldanbaly zertteýler men ázirlemelerge qatysý, turǵyn úı-kommýnaldyq sharýashylyq mamandarynyń biliktiligin arttyrý boıynsha is-sharalardy júrgizedi.
«Úlgilik jáne tájirıbelik jobalaýdyń ǵylymı-zertteý ınstıtýty (Turǵyn úı ınstıtýty)» JShS (ÚTJǴZI) 1964 jyly qurylǵan «Astanagorproekttiń» mırasqory bolyp tabylady. 3D-tehnologııalardy qoldanatyn turǵyn úı jáne azamattyq nysandardy jobalaýda kóshbasshy. NIITEP elordanyń birqatar mańyzdy nysandaryn: «Astanadaǵy Qazaqstandaǵy kontsert zaly», «Astanadaǵy tennıs alańy», «Dýman» SSO jáne taǵy basqalaryn jasady. 50 jyl ishinde NIITEP 2000-nan astam obektilerdi ázirledi. Qazirgi kezde, kompanııanyń tapsyrystar portfelinde oblystyq jáne respýblıkalyq iri nysandar bar, sonyń ishinde 3D tehnologııalardy qoldana otyryp ázirlengen jáne jobalanyp jatqandary da bar.
