Fınlıandııa fotografy ózine umtylǵan aıýdy sýretke túsirip aldy
ASTANA. QazAqparat - Koývoldyq fotograf Lassı Kýıala jeksenbi kúni ádettegideı Hamına qalasynyń mańyndaǵy Rantala degen jerde qustardy sýretke túsirip júrgen. Kýıala etpetinen sýretke túsirip jatqanda, kenetten obektıviniń birdeńeniń kólegeılegenen baıqaıdy. Basynda ol muny júgirip kele jatqan ıt dep oılaǵan.
«Qustar jan-jaqqa ushyp ketti, al men olardyń neden úrikkenin qaraı bastadym. Basynda maǵan qaraı ıt júgirip kele jatyr eken dep oılaǵanmyn, sóıtsem ol úlken qońyr aıý eken», - deıdi Kýıala.
«Árıne, anımalıst fotograf mundaı jaǵdaı týraly qashanda armandap júredi. Tabıǵatty sýretke túsirip júrgenime 40 jyl boldy, jáne sol sátte ómirimde alǵash ret tiri tabıǵatta aıýdy túsirip alý múmkindigi paıda bolǵanyn túsindim. Men kóp oılanbaı, fotoapparatymdy alyp, onysýretke túsire bastadym», - dedi fotograf.
Kýıala ornynan turmaı, jatqan kúıinde aıýdy túsire berdi. «Maǵan aıý óte jaqyn keldi. Men túregeldim. Jyrtqysh meni kóre salyp, kilt toqtady. Bir mınýttaı oılanyp turyp, keri qaıtty», - dedi ol.
Kýıala bul kezdesýde boıynda esh qorqynysh bolmaǵanyn aıtyp otyr.
«Men qaýip týraly oılaǵan da emespin. Aıý azyq izdegen joq, ol ómirin saqtap qalý úshin bireýden qashyp kele jatqan», - dedi fotograf.
Fotograf túsirgen sýretin Feısbýktegi paraqshasyna júktedi. Ony 24 myń adam unatyp, áleýmettik jeli paıdalanýshylary 3,5 myń ret bólisken. 
