Fınlıandııa eń turaqty el dep tanyldy
ASTANA. QazAqparat - Amerıkandyq Fund for Peace qorynyń nusqasy boıynsha Fınlıandııa álemdegi eń turaqty el bolyp tanyldy, dep habarlady Rosbalt.
Qor jyl saıyn memlekettiń qulaý qaýpi ındeksi jóninen elderdiń reıtıngisin jasaıdy.
Sarapshylar, atap aıtqanda, adam quqyqtarynyń qorǵalýy, halyqqa kórsetiletin qyzmetter sapasy, baılyqtyń bólinýi jáne ár elden kelgen bosqyndar sany sııaqty derekterdi eskeredi.
Fınlıandııa bıyl tórtinshi ret qatarynan álemniń eń turaqty eli atanyp otyr. Osyndaı ornyqty elderdiń qatarynda Shvetsııa ataldy. Reseı eldiń turaqtylyǵy jaǵynan 85 orynǵa shyǵyp, «óte qaýipti» dep baǵalandy.
Álemniń eń turaqsyz eli bolyp, Ońtústik Sýdan ataldy. Budan buryn osy orynda alty jyl boıy Somalı bolyp kelgen edi.
Fund for Peace 178 memlekettiń reıtıngisin onynshy ret jarııalap otyr.
