Fınlıandııa eki jyl boıy halyqqa shartsyz bazalyq tabys retinde aqsha tólep otyrǵan
ASTANA. QazAqparat - Fınlıandııa bıligi eki jyl boıy tájirıbe júrgizip, halyqqa shartsyz bazalyq tabys retinde belgili bir kólemde aqsha tólep otyrǵan. Bılik bul áreket jumyssyzdar qataryn azaıtýǵa septigin tıgizedi dep sengenimen, tájirıbe nátıjesi oıdaǵydaı shyqpaı otyr.
Memleket halyqqa tóleıtin shartsyz bazalyq tabys dep atalatyn áleýmettik tujyrymdama álemde keıbir elderde tólenedi. Vox basylymynyń jazýynsha, Fınlıandııa bıligi 2 myń jumyssyzǵa eki jyl boıy aı saıyn 560 dollar tólep otyrǵan. Shart boıynsha, bul jumyssyzdar jumysqa ornalassa da, atalǵan tólem saqtalatyn bolǵan.
«Fınlıandııa bıligi osylaısha memleket aqsha tólep otyrsa halyqtyń jumysqa ornalasý kórsetkishiniń qalaı ózgeretinine kóz jetkizgisi kelgen. Degenmen, tájirıbe nátıjesinde jumyssyzdar daıyn aqshany alyp, jumysqa ornalasýǵa nıettenbegen. Áıtse de, bazalyq tabys olardyń kóńil-kúıine barynsha áser etip, kúızelisten saqtaǵan», dep jazady basylym.
Avtordyń aıtýynsha, búgingi tańda álemde bazalyq tabys týraly áńgimelerdiń kóbeıgeni sonshalyqty, halyq aqyr sońynda onyń ne úshin kerek ekenin de umytqan.
«Bazalyq tabys on altynshy ǵasyrda kedeılik deńgeıin tómendetip, teńsizdikti joıý úshin engizilgen. Al 1970 jyldary Kanadada bazalyq tabys engizilgen soń halyqtyń densaýlyǵy jaqsaryp, aýrýhanalarǵa túsý deńgeıi 8,5 paıyzǵa azaıǵan», deıdi avtor.
