Fınlıandııa, Danııa: álemdegi eń baqytty elderdiń tizimi jarııalandy

ASTANA. KAZINFORM - Fınlıandııa segizinshi jyl qatarynan álemdegi eń baqytty el bolyp tanyldy. Tıisti tizimde Danııa ekinshi, Islandııa úshinshi orynǵa jaıǵasty, dep habarlaıdy rbk.ru.

Финляндия, Дания: әлемдегі ең бақытты елдердің тізімі жарияланды
Фото: rbc.ru

2023 jyldaǵydaı, ótken jyly da úzdik úsh oryn ózgerissiz qaldy. Alǵashqy ondyqqa Shvetsııa, Nıderlandy, Kosta-Rıka, Norvegııa, Izraıl, Lıýksembýrg jáne Meksıka endi.

Álemdegi eń qýatty memleket sanalatyn AQSh nebári 24-orynda tur. Aýǵanstan — qazirgi ýaqytta jer betindegi eń baqytsyz el. Tómengi qatarda Serra-Leone, Lıvan, Malavı, Zımbabve, Botsvana, Kongo Demokratııalyq Respýblıkasy jáne Iemen elderi bar.

Eń baqytty elderdiń reıtıngi alǵash ret 2012 jyly jarııalandy. Bul zertteýde ál-aýqatty qamtamasyz etetin alty negizgi faktor eskeriledi: áleýmettik qoldaý, tabys, densaýlyq, erkindik, jomarttyq jáne sybaılas jemqorlyqtyń bolmaýy. Úkimetter bul taldaýdy baqyt saıasatynyń baǵyttaryn anyqtaý úshin paıdalanady. Nátıje dástúrli túrde 20 naýryz — Halyqaralyq baqyt kúninde jarııalanady.

Eske sala keteıik, buǵan deıin eń baqytty elder reıtınginde Qazaqstan qaı orynda turǵanyn jazǵan edik. 

Сейчас читают