Fınlıandııa azamattyq týraly zańdy kúsheıtedi
ASTANA. KAZINFORM — 2025 jylǵy 17 jeltoqsannan bastap Fınlıandııada azamattyq alýǵa qoıylatyn talaptardy edáýir kúsheıtetin jańa zań kúshine enedi, dep habarlaıdy AZERTADJ.
Memleket basshysy Aleksandr Stýbb «Ulttyq koalıtsııa» partııasy basqaratyn úkimet ázirlegen túzetýlerdi bekitti.
Jańa ózgeristerge sáıkes, azamattyqqa ótinish berýshilerdiń turaqty tabysy bolýy mindetti. Jumyssyzdyq nemese áleýmettik járdemaqy alatyn adamdar fın azamattyǵyna úmitker bola almaıdy. Eger sońǵy eki jylda úmitker úsh aıdan astam ýaqyt boıy mundaı kómek alǵan bolsa, onyń ótinishi qabyldanbaıdy.
Sondaı-aq, zańda memlekettiń ómirlik mańyzdy múddelerine qaýip tóndiretin qylmystar — terrorızm, opasyzdyq jáne memleketke opasyzdyq sekildi áreketter úshin azamattyqtan aıyrý múmkindigi kózdelgen. Qos azamattyǵy bar tulǵalar úshin azamattyqtan aıyrýǵa negiz bolatyn jaza merzimi bes jyldan eki jylǵa deıin qysqartyldy. Buǵan qosa, jalǵan aqparat bergender de azamattyqtan aıyrylýy múmkin.
Bul sharalar 2023 jyly bastalǵan kóshi-qon saıasatyn reformalaýdyń bir bóligi. Buǵan deıin Fınlıandııa parlamenti azamattyq alý úshin elde turý merzimin bes jyldan segiz jylǵa deıin uzartqan edi.
Jańashyldyqtar Helsınkıde narazylyqtar men jappaı demonstratsııalarǵa sebep boldy.
Aıta ketelik Fınlıandııada jumyssyzdyq kóbeıip baratyny týraly jazǵan edik.