Fınlıandııa azamattyq alý úshin synaq engizýdi josparlap otyr
ASTANA. KAZINFORM — Fınlıandııa úkimeti azamattyq alý úshin mindetti testileýdi engizýdi usyndy, dep habarlaıdy AZERTADJ.
Zań jobasy parlamentke jiberilgen, al testileýdiń ózi 2027 jyly júzege asyrylady dep josparlanyp otyr. Bul jańa shara azamattyq týraly zańnyń jaramdylyq talaptaryn qataıtýǵa baǵyttalǵan reformanyń sońǵy kezeńi bolmaq. Ótinish berýshilerdiń turǵylyqty jeriniń uzaqtyǵyna, qarjylyq tólem qabilettiligine, senimdiligine qoıylatyn talaptar qazirdiń ózinde kúsheıtilgen.
Synaqta azamattyq alýǵa nıetti sheteldiktiń fın qoǵamy, zańdary, adam quqyqtary, teńdik, sondaı-aq eldiń tarıhy men mádenıeti týraly bilimi baǵalanady. Synaqty fın nemese shved tilderinde tapsyrýǵa bolady.
— Fınlıandııa azamattyǵy avtomatty túrde berilmeıdi. Bul reformalar ıntegratsııaǵa, jumysqa ornalasýǵa jáne fın qoǵamynyń erejelerin qurmetteýge yqpal etedi, — dedi eldiń ishki ister mınıstri Marı Rantanen.
Fınlıandııanyń kóshi-qon qyzmeti test ótkizýge baılanysty jańa fýnktsııalardy óz moınyna alady. Test suraqtaryn daıyndaýdy ýnıversıtetterge tapsyrý josparlanyp otyr.
Aıta keteıik, AQSh Joǵarǵy soty sol elde ómirge kelgenderge azamattyq berý quqyǵyna qatysty isti qaraýdy bastady.
