Fınlıandııa aýylynda týǵan ár balaǵa 10 myń eýro tólenbek

NUR-SULTAN. QazAqparat -Fınlıandııanyń Lestııarvı aýyly demografııalyq problemamen kúresý úshin bir balaǵa 10 myń eýro járdemaqy tóleýdi qolǵa alǵan, dep jazady VVS.

«2012 jyly bul aýylda bir bala dúnıege kelgen. Halyq sanynyń azaıyp jatqanyna alańdaýshylyq bildirgen bılik jańa týǵan ár balaǵa 10 myń eýro tóleý týraly sheshim qabyldaǵan. Bul baǵdarlama júzege asyrylyp jatqan alty jylda bala týý kórsetkishi artyp, bıyl aýylda 14 bala dúnıege kelgen» dep jazady avtor.

Onyń aıtýynsha, járdemaqy 10 jyl boıy bólip tólenedi.

«Degenmen, járdemaqy toqtaǵan soń aýyldan qaıta kóship ketetin halyq kóp», - deıdi avtor.

Aıta ketý kerek, Fınlıandııa halqynyń ortasha jasy boıynsha álemde kósh bastap turǵan memleketterdiń biri.