Fınlıandııa áýe kúshteri odaqtastarymen birlesip keń kólemdi jattyǵý ótkizedi

ASTANA. KAZINFORM — 22–26 qyrkúıek aralyǵynda Fınlıandııa áýe kúshteri «Protective Fence 25» («Qorǵaýshy shep 25») atty úlken ushaq jattyǵýyn ótkizetin bolady, oǵan shamamen 1200 áskerı qyzmetshi men 50 ushaq qatysady, dep jazady AZERTADJ.

Bul kúzde Fınlıandııada josparlanǵan eń aýqymdy ushaq jattyǵýy bolady. Fın áskerı qyzmetkerlerimen birge jattyǵýǵa Shvetsııa men Danııa áýe kúshteriniń áskerı ushqyshtary qatysady.

Jattyǵý Fınlıandııanyń negizgi avıatsııalyq bazalarymen shektelip qalmaıdy, sondaı‑aq Oýlý, Vaasa, Kokkola‑Pıetarsaarı áýejaılary, sonymen qatar shvedterdiń Kallaks avıa bazasynda, Lýleo qalasynda ótedi.

Jalpy alǵanda jattyǵýǵa F/A-18 Hornet joıǵysh ushaǵy, Hawk oqý‑soǵys ushaqtary, NH90 tikushaqtary, baqylaý ushaqtary Dornier 228, sondaı‑aq Shvetsııa men Danııanyń JAS 39 Gripen jáne C‑130 Hercules tasymaldaýshy ushaqtary qatysady.

Bul jattyǵýlardyń maqsaty – qorǵanys qabiletin kúsheıtý jáne ártúrli ornalasqan áýe bazalarynan bir mezgilde keń aýqymdy áýe operatsııalaryn júrgizýdi úırený. Ushýlar Rovanıemı, Kaıaanı, Kýopıo, ıÝvıaskıýlıa, Vaasa aýdandarynda jáne Botnık shyǵanaǵy ústinde ótedi.

Baǵdarlamaǵa tómen bıiktikte ushý, dybys jyldamdyǵynan asatyn ótkelder jáne radıoelektrondyq soǵys quraldaryn qoldaný kiredi.

Osydan buryn Fınlıandııa armııasy Kalashnıkov avtomatynan bas tartqaly jatqanyn jazǵanbyz.