Fınlıandııa alǵash ret NATO quramynda jattyǵý ótkizdi

ASTANA. KAZINFORM – 17 qarashada Fınlıandııa aýmaǵynda NATO elderiniń qatysýymen iri artıllerııalyq jattyǵý ótti, dep habarlaıdy CNS aqparat agenttigi. 

Bul Fınlıandııanyń 2023 jyly NATO-ǵa múshe bolǵannan keıingi alǵashqy aýqymdy áskerı is-sharasy bolyp tabylady.

Jattyǵý NATO-nyń «Dynamic Front-25» baǵdarlamasynyń bir bóligi retinde uıymdastyryldy. Oǵan Fınlıandııa, AQSh, Shvetsııa, Ulybrıtanııa, Frantsııa jáne basqa da NATO elderinen barlyǵy 3600 sarbaz qatysty.

Jattyǵý Fınlıandııanyń Laplandııa aımaǵyndaǵy Rovaıarvı (Rovajarvi) polıgonynda ótti. Bul polıgon Eýropadaǵy eń iri áskerı jattyǵý alańy sanalady.

Fınlıandııa armııasynyń polkovnıgi ári jattyǵýdyń jetekshisi Mıakıtaloniń aıtýynsha, Rovaıarvı polıgony kóp baǵytty dalalyq artıllerııalyq taktıkalyq jattyǵýlar ótkizýge múmkindik beredi. Sonymen qatar, bul aımaq jaýyngerlerdi Arktıka aımaǵyndaǵy kúrdeli klımattyq jáne geografııalyq jaǵdaılarǵa beıimdelýge úıretedi.

Aıta keteıik, 2023 jyldyń 4 sáýirinde Fınlıandııa resmı túrde NATO-nyń 31-shi múshesi atanǵan bolatyn.