Fınder sulydan jasandy et óndiredi
ASTANA. QazAqparat - Fınlıandııanyń Gold & Green Foods startaby túri, túsi buqtyrylǵan shoshqa etine, al dámi taýyq etine uqsas «suly etin» jasap shyqty. Bul rette «suly súzbesi» dep atalatyn ónim dándi-daqyldar men badanadan jasalǵan, dep habarlaıdy Reuters agenttigi.
Suly áýeli tazartylyp, belgili bir temperatýraǵa deıin qyzdyrylady, odan keıin badanamen aralastyrylady. Sodan shyqqan daıyn ónimge dándi-daqyldarda jetispeıtin amınoqyshqyldar qosylady.
Helsınkıdegi meıramhanalardyń birinde jańa ónim kópshilikke tanystyryldy, onda kelgender «suly súzbesinen» daıyndalǵan gambýrgerler men kotletterdiń dámin tatyp kórdi.
Jyldyń sońynda startap daıyn ónimdi Fınlıandııa men Shvetsııa dúkenderine jetkizýdi josparlap otyr. Osylaısha aldaǵy ýaqytta jasandy etten kez kelgen tamaq ázirleýge bolady.
