«Finbet» býkmekerlik keńsesiniń basshylary sottaldy
QR Qarjylyq monıtorıng agenttiginiń Almaty qalasy boıynsha Ekonomıkalyq tergep-tekserý departamenti «Finbet» býkmekerlik keńsesiniń basshylaryna qatysty sotqa deıingi tergeýdi aıaqtady.
Tergeý barysynda «Finbet» býkmekerlik keńsesiniń basshylary býkmekerlik qyzmetpen qatar Qazaqstan Respýblıkasy aýmaǵynda asa iri mólsherde, 300 mln.teńgeden astam somada kiris alýmen zańsyz oıyn bıznesimen aınalysqany anyqtaldy.
Qumar oıyndarǵa quqyqqa qaıshy aqshalaı mólsherlemelerdi qabyldaý Almaty, Shymkent qalalarynda, Almaty, Atyraý, Batys Qazaqstan, Qostanaı, Mańǵystaý jáne Pavlodar oblystarynda ornalasqan 43 mekemede júzege asyrylǵan.
Sot úkimimen úsh aıyptalýshy QR QK 307-baby 3-b. 2-t. boıynsha kináli dep tanylyp, eki uıymdastyrýshyǵa shartty túrde 4 jyl merzimge bas bostandyǵynan aıyrý túrindegi, al bireýine 2,4 mln teńge somasynda aıyppul túrindegi jaza taǵaıyndaldy.
Qylmystyq is boıynsha 100 mln. teńgeden astam somaǵa aqsha qarajaty men basqa da múlikter tárkilendi.