«Finbet» býkmekerlik keńsesi zańsyz oıyn bıznesimen aınalysqan

NUR-SULTAN. QazAqparat - Ekonomıkalyq tergeý qyzmeti júrgizgen jedel-tergeý sharalarynyń nátıjesinde «Finbet» býkmekerlik keńsesiniń zańsyz qyzmetiniń joly kesildi, dep habarlaıdy QR QM Qarjy monıtorıngi komıtetiniń baspasóz qyzmeti.

Atalǵan kásiporynnyń basshylyǵy býkmekerlik qyzmetpen qatar el aýmaǵynda zańsyz oıyn bıznesimen aınalysqan.

Zańsyz qumar oıyndary Almaty, Shymkent qalalary, Almaty, Atyraý, Batys Qazaqstan, Qostanaı, Mańǵystaý jáne Pavlodar oblystarynda ornalasqan 43 býkmekerlik keńsede júzege asyrǵan.

18 jeltoqsan kúni 8 óńirde bir ýaqytta arnaıy operatsııa ótip, keńselerde tintý júrgizildi.

Kásiporynnyń zańsyz qyzmetiniń jyldyq tabysy 3 mlrd. teńgege jýyq somany quraıdy.

Zańsyz oıyn bıznesiniń uıymdastyrýshylary qazirgi ýaqytta ustalyp, qamaýǵa alynǵan.

Jedel-tergeý sharalary jalǵasýda.