Financial Times: Tramp Vıktor Hrapýnovtan aqsha ıelengen
AQSh prezıdenttigine úmitker Donald Tramp uzaq jyldar boıy mańaıyna jaqtaýshylar jáne óz ımperııasynyń qyzmetkerlerin jınaqtaǵan. Olardyń keıbiriniń uıymdasqan qylmys nemese alaıaqtyqqa baılanysty kúmándi tarıhy bolǵan.
Financial Times basylymynda bar derekterge sáıkes Tramptyń qarjy jylystatý boıynsha halyqaralyq jelimen baılanysy bolǵan. Hat almasýlar men bank qujattary Tramp kompanııasy qazaqstandyq bıznesmen, Almatynyń burynǵy ákimi Vıktor Hrapýnovtyń otbasymen baılanysy bolǵanyn kórsetedi.
Hrapýnovtyń otbasy Manhettande Trampqa tıesili záýlim turǵyn úı kesheninen qymbat apartamentter satyp alǵany atap ótiledi. Sondaı-aq Hrapýnovtyń qarjy alpaýyttarynyń birimen iri kommertsııalyq kásiporyndarǵa qatysqany belgili boldy.
Áriptesterdiń biri Beırok (Bayrock) Qazaqstannyń burynǵy energetıka mınıstri, Almatynyń burynǵy ákimi Hrapýnov otbasymen baılanysy bolǵanyn aıtty, ol sondaı-aq óziniń Tramppen yntymaqtastyǵy týraly da aıtyp berdi.
Naýryzda almatylyq advokattar amerıkalyq sotqa Hrapýnov pen onyń otbasy «júzdegen mıllıon dollar memlekettik aktıvterdi júıeli túrde alýǵa jáne ony kúrdeli bank esepshottary jelisi arqyly jylystatýǵa sóz baılasqanyn» habarlaǵan.
Hrapýnovtardyń aqsha jylystatýǵa paıdalanǵan kompanııalar arasynda advokattar úsh kompanııany atap kórsetti, bular : Soho3310, Soho3311 jáne Soho3203. Olardyń árqaısysy jaýapkershiligi shektelgen seriktestik retinde tirkelgen, ıaǵnı bul olardyń menshikterin jeńil jasyrýǵa múmkindik beredi.
Barlyq kompanııalar Nıý-Iorkte 2013 jyly sáýirde qurylǵan, al bir aptadan keıin, jazbaǵa sáıkes, olar Hrapýnovtar otbasy óz attaryna jazǵan páterdi jáne qurylysy 2010 jyly aıaqtalǵan Manhetannyń kórikti jerindegi 46 qabatty otel-kondomınımýmdy satyp alý úshin jalpy somasy $3,1 mln tólegen.
Almatylyq advokattardyń derekterine sáıkes Soho kompanııasynyń sońǵy benefıtsıary Kalıfornııada turatyn Vıktor Hrapýnovtyń qyzy Elvıra Kýdrıashova bolǵan. Qazaqstan úkimetindegi derekkózge sáıkes naq sol jáne onyń aǵasy Іlıas aqshany jylystatýdyń negizgi býyny bolǵan.
Soho kompanııasy páterlerdi satyp alǵanǵa deıin azamatsha Kýdrıashova shottarynan Martın Iannyń Nıý-Iorktegi advokattyń fırmasynyń shotyna $3,1 mln astam qarajat aýdarylǵan. Basylym habarlaǵandaı, azamat Ian páterlerdi satyp alýǵa arnalǵan agent bolyp, ári qaraı azamatsha Kýdrıashova men Soho jalǵan kompanııasy arasyndaǵy kelisimderge deldal boldy.
Basylym atap ótkendeı, bir qaraǵanǵa Tramp páterlerdi satýda benefıtsıar bolmaǵandaı kórinedi. Satýshy jaýapkershiligi shekteýli kompanııa - Baırok/Sapır Organızaıshn AAQ bolǵan. Alaıda bul kompanııany Tramp Soho qurýshylardyń biri - Temır Sapır qurǵan.
Eske sala keteıik, qańtar aıynda AQSh Manhetten men Maıamıdegi premıým-jyljymaıtyn múlikti satyp alý úshin paıdalanylatyn jalǵan kompanııalardyń naqty ıelerin anyqtaý boıynsha pılottyq baǵdarlamany iske qosty. Shilde aıynda sheneýnikter jańa erejeler «zańdy tulǵanyń qymbat jyljymaıtyn múlikti satyp alý kezinde aqshany jylystatýǵa bolatynyn» rastaǵanyn habarlady.
Hrapýnov otbasynyń ókili Soho páterleri men ózge de kelisimderge qatysty suraqtarǵa jaýap berýden bas tartty.
Іlııas Hrapýnovpen (Vladımır Hrapýnovtyń uly - red) birge jumys istegen belgııalyq bıznesmen Nıkolas Býrdyń sózine qaraǵanda, ol shveıtsarııalyq kompanııany óziniń jáne otbasynyń qarajatyn jylystatýyn jasyrý úshin paıdalanǵan.
Qazaqstan úkimeti sonymen qatar ózge shveıtsarııalyq Helvetic Capital SA kompanııasyna Hrapýnovtar januıasynyń qarjysyn jasyrdy degen aıyp taqty. 2007 jylǵy jobaǵa sáıkes, Helvetic Capital SA KazBay birlesken kásipornyna kirip, oǵan $1,5 mln salýdy kózdegen, kelisim boıynsha seriktes Bayrock kompanııasy bolǵan.
Al Bayrock kompanııasy barlyq aıyptardy joqqa shyǵaryp, sot shaǵymdaryn «óziniń burynǵy jumys berýshisiniń (Donald Tramptyń - red) Reseı men Qazaqstandaǵy múddelerin jasyrý nıeti» dep otyr.
Alaıda, basylym jazǵandaı, Bayrock - Trump eki ókili Hrapýnovqa jumys isteýge kóshken.
FT qolyna túsken fırmanyń hattary men qujattaryna sáıkes, azamat Sater jáne azamat Rıdlov Elmıra Kýdrıashovamen tyǵyz qarym-qatynasta jumys istegen. Osylaısha, 2012 jyly olar iri ınvestor retinde AQSh azamattyǵyn alý úshin Elmıra Kýdrıashova $3 mln quıǵan kompanııalarynda dırektorlyq qyzmetti atqarǵan.
