Financial Times Donald Trampty «jyl adamy» atady
ASTANA. QazAqparat - AQSh-tyń jańadan saılanǵan prezıdenti Donald Tramp Financial Times gazetiniń nusqasy boıynsha «jyl adamy» atandy.
Buǵan deıin Trampty «jyl adamy» retinde Time jýrnaly ataǵan bolatyn.
«Ol amerıkalyq saıasattyń erejelerin qaıta jazyp shyqty. Endi prezıdent-kelisimsharttardyń uıymdastyrýshysy ýáde etken sózderi baǵanyń alǵashqy usynystary ǵana bolmaǵanyn is júzinde kórsetetin bolady», - dep jazady Financial Times Trampqa arnalǵan maqalasynda.
Basylymnyń jazýynsha, saılaýǵa deıin Amerıkanyń kóptegen turǵyny Donald Tramp jeńiske jetpeıdi dep oılady. «Italııa Sılvıo Berlýskonıdiń quryǵyna ilige jazdady. Ulybrıtanııa Brexit-ti tańdaýy múmkin edi. Biraq Tramp myrzany... amerıkalyq halyq eshqashan tańdamas edi. Keıin Tramp jeńiske jetken tún boldy. Barlyǵy derlik shatasqan bolyp shyqty», - delingen maqalada.
Financial Times jazyp ótkendeı, «Tramp 8 qarasha kúni amerıkalyq demokratııany ózgertken joq, ol kóptegen jyldar boıy nashar jumys istep kelgen edi».
