Fınalda sharshy alańǵa shyǵatyn «Arlandardyń» qarsylastary belgili boldy

ASTANA. QazAqparat -  Búgin qazaqstandyq «Astana Arlandary» Qytaıda WSB serııasy aıasyndaǵy fınaldyq kezdesýlerin bastaıdy, dep habarlaıdy QazAqparat tilshisi.

Klýb baspasóz qyzmetiniń habarlaýynsha, «Astana Arlandary» jáne «Kýba Domadores» arasyndaǵy fınaldyq matchta synǵa túsetin boksshylardyń juby tolyǵymen belgili boldy. Alǵashqy jekpe-jek búgin, ıaǵnı 26 qyrkúıekte Sıamyn qalasynda, ekinshi jekpe-jek 28 qyrkúıekte Tszıntszıanda bolady.

Chempıondyq ataq úshin «Astana Arlandarynan» myna boksshylar sharshy alańǵa shyǵady:

C-1 : 
49 keli: Temirtas Júsipov - Damıan Arse Dýarte;
56 keli: Іlııas Súleımenov - Osvıel Davıd Kaballero Garsııa;
64 keli: Dilmurat Mıjıtov - Endı Krýz; 
75 keli: Ábilhan Amanqul - Osleıs Iglesıas Estrada;
91 keli: Nurbol Altaev - Erıslandı Savon; 

C-2 : 
52 keli: Sáken Bıbosynov - Horhe Grınıan;
60 keli: Zakır Safıýllın - Lazaro Alvares; 
69 keli: Aslanbek Shymbergenov - Ronıel Iglesıas;
81 keli: Bek Nurmaǵanbet - Hýlıo La Krýz; 
91 keli: Qamshybek Qońqabaev - Hose Lardýet.

Eki kezdesýden keıingi komandalar arasyndaǵy jekpe-jekter teń aıaqtalǵan jaǵdaıda 64 keli salmaqtaǵy boksshylar qosymsha jekpe-jekke shyǵady. Bul salmaqta Bekdáýlet Ibraıymov bar.