Fın shyǵanaǵynda tańǵajaıyp muz sharlar paıda boldy

ASTANA. QazAqparat - Fotograf Aleksandr Abrosımov Fın shyǵanaǵyndaǵy tańǵajaıyp tabıǵı qubylysty sýretke túsirdi, dep habarlaıdy sheteldik BAQ.

Shyǵanaq jaǵalaýy dıametri 5-10 sm quraıtyn muz sharlary pishininde qatyp qalǵan. Olar bir-birine tirelip turǵan. Sarapshylardyń aıtýynsha, olar buryn tabıǵattaǵy mundaı qubylysty kórmegen. Mamandardyń oılary bir jerden shyqpaı, bul qubylysty túsindire almaı otyr.

«Múmkin shyǵanaq tolqyny jaǵalaýdaǵy qardy orap, keıin ol qatyp qalǵan bolar, - degen pikirin bıolog Mıhaıl Galıtskıı bildirdi. - Biraq olardyń kólemi nelikten birdeı ekeni túsiniksiz».

Saıahatshy-botanık Sergeı Mıgýlınniń pikirinshe, bul qarapaıym tas bolýy múmkin. «Meniń oıymsha, jumyrtqa tárizdi qatyp qalǵan bul sharlar qarapaıym tastar, - deıdi Mıgýlın. - Olardyń bir jerde turǵany erekshe qubylys, árıne».

Ǵalamtor paıdalanýshylary bul túsinikterge senbeıdi. Blogerler Fın shyǵanaǵynda tabıǵattyń tańǵajaıyp qubylysy paıda boldy degen senimde.