Fın kompanııalary Qazaqstan kásiporyndarynyń aktıvterin satyp ala alady

HELЬSINKI. QazAqparat - Fın kompanııalary Qazaqstannyń ulttyq kompanııalarynyń aktıvterin satyp ala alady. Bul týraly búgin Fınlıadııanyń bıznes kapıtandarymen kezdesý barysynda Qazaqstan Prezıdenti Nursultan Nazarbaev aıtty, dep habarlaıdy QazAqparattyń arnaýly tilshisi Helsınkıden.

«Qazaqstanda aýqymdy jekeshelendirý júzege asyrylýda. Taý-ken óndirý, metallýrgııa, munaı-gaz, energetıka, kólik jáne ózge de kásiporyndardyń aktıvteri satylymǵa shyǵaryldy. Taıaý jyldary biz Qazaqtelekom, Qazatomenerkásip, Eır Astana, QazMunaıGaz, Qazaqstan temir joly, Qazposhta syndy ózge de iri ulttyq kompanııalardy ІRO-ǵa shyǵarýdy josparlap otyrmyz», - dedi Nursultan Nazarbaev.

Osy rette Memleket basshysy Qazaqstan atalǵan mámileler úshin sheteldik ınvestorlar tarapynyń suranystaryn zerdelep jatqanyn aıtty.

«Bul turǵyda fın ınvestorlarynyń áleýeti biz úshin mańyzdy ekendigi sózsiz», - dedi Elbasy.

 

Esterińizge sala ketsek, búgin Qazaqstan Prezıdenti Nursultan Nazarbaev resmı saparmen Fınlıandııaǵa keldi.

Sapar aıasynda Elbasy fın bıznes kapıtandarymen kezdesti.  

Al erteń  Nursultan Nazarbaevtyń Fınlıandııa Respýblıkasynyń Prezıdenti Saýlı Nıınıstemen shaǵyn jáne keńeıtilgen quramdaǵy kezdesýi josparlanyp otyr.