Fın ІT-kompanııalaryna qolaıly jaǵdaı jasaýǵa daıynbyz - QR Prezıdenti

  HELЬSINKI. QazAqparat - Fın ІT-kompanııalaryna qolaıly jaǵdaı jasaýǵa daıynbyz. Búgin Fınlıandııanyń bıznes kapıtandarymen kezdesý barysynda Qazaqstan Prezıdenti Nursultan Nazarbaev osylaı málim etti, dep habarlaıdy QazAqparattyń arnaýly tilshisi Helsınkıden.

«Qazaqstan ekonomıkany jedel jańǵyrtýǵa, jańa tehnologııalar men ınnovatsııalardy engizýge baǵyt aldy. «Tsıfrlyq Qazaqstan» arnaıy memlekettik baǵdarlamasy júzege asyrylýda. Osy oraıda ınnovatsııalyq ekojúıeni damytý boıynsha ekonomıka salalaryn tsıfrlandyrý jobalaryn júzege asyrý mańyzdy», - dedi Nursultan Nazarbaev.

Qazaqstan Prezıdenti elimizde Nazarbaev Ýnıversıteti, Innovatsııalyq tehnologııalar parki syndy ınnovatsııalyq klasterler qazirdiń ózinde jumys istep turǵanyn basa aıtty. Astanada jańa Halyqaralyq ІT-startaptar tehnoparki ashylatyndyǵyn eske saldy.

«Atalǵan saladaǵy fın kompanııalarynyń tájirıbesin eskere bolsaq, bul bizdiń yntymaqtastyǵymyz úshin keleshegi zor alań bola alar edi. Biz fın kompanııalaryna jumysta barynsha qolaıly jaǵdaı jasaýǵa daıynbyz», - dedi Memleket basshysy.

Esterińizge sala ketsek, búgin Qazaqstan Prezıdenti Nursultan Nazarbaev resmı saparmen Fınlıandııaǵa keldi.

Sapar aıasynda Elbasy fın bıznes kapıtandarymen kezdesti. 

Júzdesý barysynda Memleket basshysy Fınlıandııadan Qazaqstan arqyly Qytaıǵa jańa temir jol baǵdary ashylatyndyǵyn málim etti. 

Al erteń  Nursultan Nazarbaevtyń Fınlıandııa Respýblıkasynyń Prezıdenti Saýlı Nıınıstemen shaǵyn jáne keńeıtilgen quramdaǵy kezdesýi josparlanyp otyr.