Fılosofııa qoǵamnyń peıilin jaqsartady - Z. Sháýkenova
ALMATY. 5 naýryz. QazAqparat - Búgin Almatyda «Fılosofııalyq suhbat múıisi» jáne «Fılosofskaıa gostınnaıa» dep atalatyn ǵylymı-kópshilik qaýymǵa arnalǵan eńbektiń tusaýkeseri ótti.
Bilim jáne ǵylym mınıstrliginiń Fılosofııa, saıasattaný jáne dintaný ınstıtýtynyń 55 jyldyq mereıtoıyna arnalǵan bul kitaptyń avtorlary - ınstıtýt dırektory Zarema Sháýkenova men «Ves Mır» gazetiniń bas redaktory ıÝrıı Kırınıtsııanov.
«Qazir ǵylym, onyń ishinde gýmanıtarlyq ǵylymdar salasy qaıta jandanýda. Ǵalymdarymyzdyń kóptegen eńbekteri jaryq kórip jatyr. Alaıda olar ǵylymı tilde jazylǵandyqtan jalpy kópshilikke birdeı uǵynyqty emes. Sondyqtan ǵylymı-kópshilik basylymdardy jańǵyrtý maqsatynda osy jobany júzege asyryp otyrmyz. Bular «Ves mır» gazetinde 7 ǵalymymyzdyń 2012 jyly jarııalaǵan bizdiń qoǵamnyń ózekti máseleleri týraly suhbattary negizinde júzege asyp otyr»,- deıdi QR UǴA korrespondent-múshesi, áleýmettaný ǵylymdarynyń doktory Z.Sháýkenova.
Zarema Kákenqyzynyń aıtýynsha, jalpy fılosofııa - kóptegen qoǵamdyq bilimderdiń qaınar kózi. Ol qoǵamnyń peıilin jaqsartady jáne kóptegen suraqtarǵa jaýap bere alady.
