Fılologtar daıarlanatyn oqý oryndaryn qysqartý jumysy jalǵasa beredi - B. Jumaǵulov
ASTANA. 17 mamyr. QazAqparat - Pedagog mamandardy daıarlaý jumysynyń sapasyn arttyrý maqsatynda fılologtarǵa bilim beretin oqý oryndarynyń sany qysqartylady.
Bul týraly búgin Qazaqstan Respýblıkasy fılologtarynyń I sezinde QR Bilim jáne ǵylym mınıstri Baqytjan Jumaǵulov málim etti.
Mınıstr atap kórsetkendeı, pedagogtyń mártebesi men ımıdjin kóterý úshin byltyrdan beri osy mamandyq boıynsha bólinetin granttardyń somasy ulǵaıtyldy. Al fılologtardy daıarlaý jumysynyń sapasyn arttyrý maqsatynda birqatar joǵary oqý oryndary qysqartyldy. «Bul jumys jalǵasa beredi. Sebebi muǵalimderdi tek úzdik oqý oryndary ǵana daıyndaýy tıis. Qazirgi kezde 34 joǵary oqý orny fılologtardy daıarlaıdy. Buǵan deıin olardyń sany 89 bolǵan. Mine, osydan pedagogıkalyq bilim beretin joǵary oqý oryndary sanynyń 2,5 esege azaıǵanyn anyq baıqaýǵa bolady», - dep atap kórsetti B.Jumaǵulov.
