Fılmnen túsetin paıdanyń kóbi kınoteatr ıelerinde qalyp otyr – Oljas Bektenov

ASTANA. KAZINFORM – Úkimet basshysy Oljas Bektenov kınodan túsken aqshanyń ashyqtyǵyn jáne avtorlyq quqyqtyń saqtalýyn qamtamasyz etýdi mindettedi.

- Jaqsy kıno túsirý úshin kóp qarajat kerek. Mundaı qarajatty prokattan túsirýge bolady. Biraq qazir fılmnen túsetin paıdanyń kóbi kınoteatr ıelerinde qalady. Sondyqtan kıno túsirýshiler men ony prokatqa shyǵarýshylardyń múddesiniń tepe-teńdigin bekitý mańyzdy. Ol úshin túsken aqshanyń ashyqtyǵyn jáne avtorlyq quqyqtyń saqtalýyn qamtamasyz etetin «e-kıno» platformasyn jedel iske qosý kerek, - dedi Oljas Bektenov Úkimet otyrysynda.

Buǵan deıin habarlaǵanymyzdaı, byltyr otandyq kıno óndirisi 58 paıyzǵa artty. Premer-mınıstr kıno týyndylardyń sanyn kóbeıtip, tek paıda túsirýdi ǵana maqsat etpeı, fılmderdiń sapasyna basa nazar aýdarý kerektigin basa aıtty. 

Aıta keteıik, bıyl balalarǵa arnalǵan 5 álemdik kınotýyndy qazaqsha kórsetiledi.