Fıllıppınde «Vashı» daýyly 650-den astam adamnyń ómrin qıdy
ASTANA. 19 jeltoqsan. QazAqparat - Fılıppınde soǵyp ótken «Vashı» daýylynyń qurbany 650 adamnan asty. Ásirese eldiń ońtústiginegi jaǵalaýlyq Mındanao araly apattan edáýir zardap shekti, dep habarlady RBK agenttigi.
Jergilikti turǵyndardy qutqarý jumystaryna fılıppın armııasynyń birneshe myń jaýyngeri qatysýda. Búgingi tańda arhıpelagtyń 800-ge tarta turǵyn habar-osharsyz ketkender qatarynda.
Sarapshylardyń aıtýynsha, orasan kóp adamnyń qaza bolýynyń sebebi: sý tasqyny túnde aral turǵyndary uıyqtap jatqan kezde bolǵan. Aýa raıynyń nasharlaýyna baılanysty elektr jaryǵy óship qalyp, turǵyndardy ábigerge saldy.
«Vashı» tropıkalyq daýylynyń saldarynan nóser jańbyr jaýyp, Mındanao aralynyń jáne birneshe araldardyń aýmaǵyn sý basty. Budan buryn jeksenbi kúni, 18 jeltoqsanda daýyl Qytaıdyń ońtústik jaǵalaýyna oıysýy múmkin dep habarlanǵan bolatyn. Sınoptıkterdiń málimetteri boıynsha, daýyl kindiginde jeldiń kúshi saǵatyna 90 shaqyrymǵa jetti.
