Fılıppınniń eks-prezıdenti alǵash ret halyqaralyq sot aldyna shyqty

ASTANA. KAZINFORM — Dýterte alǵashqy sot otyrysyna vıdeobaılanys arqyly qatysty. Ony halyqaralyq qylmystyq sotqa Fılıppın Úkimeti tapsyrǵan, dep jazady VVS.

Onyń advokaty 79 jastaǵy saıasatkerdiń naýqas ekenin jáne otyrysqa qatysa almaıtynyn aıtty. Alaıda sýdıanyń aıtýynsha, sot dárigeri Dýterteniń fızıkalyq jáne psıhıkalyq jaǵdaıy oǵan protseske tolyq qatysýǵa múmkindik beredi degen qorytyndyǵa keldi.

Dýterte prezıdent kezinde óz elindegi sotsyz adam óltirý naýqany úshin adamzatqa qarsy qylmys jasady dep aıyptalǵan.

Esirtkige qarsy jarııalaǵan soǵystyń bir bóligi retinde prezıdent kúshteri esirtkiniń zańsyz aınalymyna qatysy bar dep eseptegen adamdardy sotsyz óltirdi. Túrli málimetter boıynsha 7 myńnan 30 myńǵa deıin adam qaza tapty.

Rodrıgo Dýterte seısenbi, naýryzdyń 11-i kúni Halyqaralyq qylmystyq sottyń sanktsııasy boıynsha Manıla halyqaralyq áýejaıyna qonǵannan keıin qamaýǵa alyndy. Sol jerden ony Nıderlandqa alyp ketti.