Fılıppınniń soltústik bóligin «Lınfa» daýyly ábigerge saldy
ASTANA. QazAqparat - Kúshti tropıkalyq «Lınfa» daýylynys saldarynan arhıpelagtyń 11 jaǵalaýlyq qalalarynda joldar tolyq jabyldy, turǵyn úıler sýǵa ketýde. Bul týraly azamattyq qorǵanys kúshteriniń ókilderi málim etti, dep habarlady izvestia.ru.
«Kóptegen jerlerdiń joldary tolyq jabyldy, turǵyn úıler sýǵa ketti, olardyń keıbiri túgeldeı sýi astyna batty», - dedi azamattyq qorǵanys aımaqtyq basqarmasynyń basshysy Chıto Kastro. Qurban bolǵandar men qıratý jóninde aqparat túsken joq. Daýyldyń, jeldiń kúshi saǵatyna 120 shaqyrymǵa jetip, arhıpelagtyń soltústik-batys bóligine qaraı tónip keledi.
7 myńǵa jýyq aral quramyna kiretin Fılıppınde jyl saıyn 27 taıfýn men daýyl ábigerge salady. Olardyń biri óte joıqyn «Haııan» taıfýny 2013 jyly qarashada 6 myń adamnyń ómirin qıyp ketken bolatyn. Apat saldarynan ártúrli dárejede 12 mln.-ǵa deıin turǵyn zardap shekti.
