Fılıppınge sýper taıfýn qaýpi tónip tur

ASTANA.KAZINFORM — Myńdaǵan Fılıppın turǵyny sýpertaıfýnnyń jaqyndaýyna baılanysty evakýatsııalandy, aımaq bıligi ony «apatty» bolýy múmkin dep baǵalady, dep habarlaıdy VVS. 

Ekpini 230 km/saǵ (144 mıl/saǵ) jetetin «Ragasa» taıfýny dúısenbi kúni batysqa, ońtústik Qytaıǵa bet alǵansha halqy az soltústik araldarǵa soǵýy múmkin.

Fılıppın meteorologııalyq basqarmasy maksımaldy tolqyndar 3 metrden (9,8 fýt) asatyn daýyldyń joǵary qaýpi týraly eskertti.

Eldiń basym bóliginde, sonyń ishinde astana Manılada mektepter men memlekettik mekemeler jabyldy. Bılik jappaı sý tasqyny, kóshkin, úıler men ınfraqurylymnyń zaqymdanýy múmkin ekenin eskertti. Taıfýn qurlyqqa jetedi dep boljanǵan shalǵaıdaǵy Batans jáne Babýıan araldarynda shamamen 20 000 adam turady, olardyń kópshiligi kedeıshilikte ómir súredi.

Araldar Taıvannnan shamamen 740 km (450 mıl) jerde ornalasqan, onda araldyń shyǵysyndaǵy Hýalıen okrýginen 300-ge jýyq adam evakýatsııalanǵan.

Ragasa Taıvanǵa tikeleı áser etpeýi múmkin, biraq shyǵys jaǵalaýǵa nóser jańbyr jaýady.

Taıvannnyń ońtústigi men shyǵysyndaǵy ormandy aýmaqtar men tabıǵı soqpaqtar dúısenbi kúnnen beri jabyldy, al keıbir paromdyq reıster toqtatyldy.

Qytaıdyń Gýandýn provıntsııasynyń bıligi jurtshylyqty «úlken apattarǵa» daıyndalýǵa shaqyrdy.

Gonkongta bılik seısenbi kúni aýa raıynyń «kúrt buzylýy» týraly eskertý jasap, bilim bólimi oqý ýaqytyn ózgertýdi qarastyryp jatyr.

Buǵan deıin Qytaıdaǵy taıfýn saldarynan 40 myńnan astam adam evakýatsııalanǵan bolatyn.