Fılıppınge «Melor» daýyly taıap qaldy, mektepter jabylyp, parom qatynasy toqtatyldy
ASTANA. QazAqparat - Fılıppın araldarynyń bılik kózderi mektepterdi ýaqytsha jaýyp, parom qatynasyn toqtatýdy buıyrdy. Buǵan eldiń shyǵys jaǵalaýyna «Melor» taıfýnynyń taıap qalǵandyǵy sebep boldy.
Meteorologtardyń boljamynsha, «Melor» taıfýny ózimen birge bıiktigi 4 metrge deıin jetetin daýyldyq tolqyndar men sý tasqyndaryn, kóshkindi týdyrtatyn qara jaýyn alyp keledi. Daýyl túnde kúsheıe túsken soń, meteorologtar ony úshinshi sanatqa (bolýy múmkin beseýden) jatqyzdy.
Daýyldyq eskertý 81 provıntsııanyń 20-synda jarııalandy.
2013 jyldyń qarasha aıynda Fılıppın araldaryn «Haııan» taıfýny jaıpap ótip, saldarynan segiz myńnan astam adam qaza tapqan bolatyn, dep jazady Bı-bı-sı.
