Fılıppınge ataqty «Noýl» taıfýny jaqyndap keledi
ASTANA. QazAqparat - Fılıppınniń soltústik-shyǵys aýdanynyń turǵyndary «Noýl» taıfýnyna ázirlik ústinde.
Jel saǵatyna 180 shaqyrym soǵady.
Taıfýn Lýson aralyna jaqyndap qaldy.
Isabel men Kagaıan provıntsııasynyń bıligi habarlaǵandaı, jaǵalaý mańyndaǵy turǵyndar qaýipsiz jerge kóshirilip, baılanys úzilýi múmkin keı aýdandarǵa azyq-túlik qoımalary ornatyldy.
Taıfýn qaýpine baılanysty birneshe avıareıster keıinge qaldyrylyp, keme qatynasy toqtady.
Budan basqa, 10 myńnan astam adam Lýson aralyndaǵy Býlýsan janartaýy atylýy múmkin aýmaqtan kóshirildi.
