Fılıppındikterge «Nok-Ten» taıfýny tónip keledi
ASTANA. QazAqparat - Fılıppındikterge "Nok-Ten" alapat daýylynan qaýip tónip tur. Jaǵalaýdaǵy aýdan turǵyndary qaýipsiz jerlerge kóshirilýde, dep jazady Bı-bı-sı.
Fılıppınniń shyǵys jaǵalaýyna "Nok-Ten", sondaı-aq "Nına" atymen tanylǵan alapat taıfýn jaqyndap keledi. Daýyldyń jyldamdyǵy saǵatyna 185 shaqyrymǵa jetedi.
Katandýanes provıntsııasynyń vıtse-gýbernatory halyqty mindetti túrde evakýatsııalaýǵa tapsyrma bergenimen, kópshiligi Rojdestva kúni úılerin tastap ketkileri kelmeıdi.
Sýpertaıfýn halyq kóp qonystanǵan aýmaqtarǵa, sonyń ishinde Fılıppın astanasy Manılaǵa da qaýip týdyrýda. Bılik jaǵalaýdy eki metrlik tolqyn shaıyp ketedi dep eskertýde.
Meteorologtardyń aıtýynsha, "Nok-Ten" daýyly jaǵalaýǵa jetkenge deıin birshama basylady. Manıla bıligi qatty jelden qala kóshelerindegi jarnama baǵandary ushyp, adamdardy jaralaýy múmkin dep barlyǵyn alyp tastaýǵa buıryq berdi.
2013 jyly Fılıppınde "Haıan" taıfýny 7 myńnan astam adamnyń ómirin qıdy.
